1 دقیقه خواندن
10 May
10May

#یەکی_مەی 


"کۆمەڵگای مرۆڤایەتی له بەردەم ئەزمونێکی نوێ" 



✍ رەزا کەعبی



یەکی مەی پاش زیاتر له سەت و سی ساڵ، به هێزترین و دیارترین هێمای خەبات و یەکگرتویی کرێکاران و چەوساوەکانی جیهانە دژی چەوساندنەوە و هەژاری و نادادپەروەری.



کۆمەڵگای سەرمایەداری و کۆمەڵگای مرۆڤایەتی روون تر و زیاتر و بێ ڕەحمانەتر له هەر کاتێک به دوو بەرەی دژ به یەکی چەوسێنەر و چەوساوە دابەش بوە. به تێپەربونی زەمان نابەرابەری چینایەتی نە تەنیا بەرفەراوان تر بوە که ئاڵووگۆری بەرچاو له چونییەتی چەوسانەوە و ڕادەی داسەپاندنی هەژاری و ژیانی مەمرە و مەژی قولتر و وەحشیانەتر و آشکاراتر له هەر کاتێکی دیکەیە. کەڵەکە بونی سەروەت و سەرمایە له چنگ کەمایەتیێکی زۆر بچوک و داسپاندنی هەژاری کەم وێنە و شەڕ و کۆچی زۆرەملی و سپاندنی حکومەتەکانی مەزهەبی و دیکتاتوری و ڕاکێشانی زلهێزەکان بۆ شەری موشکی و بڵاوکردنەوەی سێبەری چەکی ئەتومی به سەر جیهان سیما و پێناسەی نیزامی سەرمایەداریە له پێشکەوتوترین قۆناخی مرۆڤایەتی.



کۆڕۆنا وەک شۆکی جیهانی، خەسڵەت و یاسا و رەمزی مانەوە و به درێژەکێشانی نیزامی سەرمایەداری روونتر و بێ پەرەدەتر له هەمیشە نیشان دا. کۆڕۆنا ناکۆکی چینایەتی زەقتر کردووە و دەریخست که ئەم نیزامە له پێشکەوتوترین وڵاتان و پێگەکانی خۆیی چلون دۆش داماو و دەستەوەسانە. بۆ هەمۆان دەرکەوت که ژیان و چارەنوسی سەدان میلیون ئینسان تەنانەت له وڵاتانی دەوڵەمەند و پێشکەوتو قوربانی کراوە له پێناو کەڵەکەبونی سەرمایە و تەرخانکردنی بۆ ململانێی جیهانی و سازکردنی شەرە ناوچەییەکان. لێدان له سیستمی بێهداشتی و دەرمانی دەیان میلیون ئینسان، کەم کردنەوەی پێداویستیەکانی به ساڵاچوان، بێکاری زۆرتر و هێرشی بەردەۆام بۆ ناڕەزایەتییەکان کرێکاران و ڕاگرتنی هەڕەشەی هاتنە سەرکاری ڕاستی فاشیستی به سەر کۆمەڵگا له وڵاتانی رۆژئاوا و غارەت سەروەت و سامانی ولاتانی رۆژهەڵاتی و داسپاندنی شەر و به دەسەڵات گەیاندنی رژیمە فاشیستی و دیکتاتوری مەزهەبیەکان، سیمای دزێوی سەرمایەداری و پڕ له چەوسانەوە و قوربانی کردنی میلیاردها ئینسان زەقتر له هەر قوناخێکی دیکە نیشان ئەدات. کۆڕۆنا نیزامی حاکم و بونیادەکانی خستە لەرزە و وەها به خێرایی زەمان و ژیان و بەرهەمهێنانی له جوڵە خست که دەسەڵاتداران نەیان توانی بیشارنەوە که تا چ ڕادەێک حەپەسان.



کۆڕۆنا نابەرابەری چینایەتی زۆرتر ئاشکرا کرد. کاتێ که یەک له سەتی جیهان سەروەتی نیوی جیهانی له چنگ خۆی خستوە، کاتێ که نیوەی جیهان له گەڵ شەر و ئاۆارەگی رووبەرووە که خۆیان هیچ دەورێکیان تێدا نەبوە، کاتێ که زۆربەی وڵاتانی "فەقیر" له سەر دەریای نەوت و کانگاکانی پڕقیمەت زۆر زۆر به هەژاری "ژیان" دەکەن که خۆیان لەو چارەنوسەی خۆیان کەمترین دەوریان هەبوە، کاتێ بەشێکی بەرچاو له وەزە و سەرمایە و هێزی ئینسانی سەرفی شەر و ململانێی جیهانی دەکرێ، ئاشکرایە که جیهانی "موتەمەدن"یش له قەیران کۆڕۆنا ڕووبەڕووی قەیرانێک دەبێتەوە که داهاتوی مرۆڤایەتی و بونیادەکانی دەخاتە لەرزین و هیچ کەس نەیتۆانیوە جیهانی دۆای کۆڕونا پێناسە بکات که تارمایێک باڵی به سەر جیهاندا کێشاوە که له دەوڵەمەندترین و پێشکەوتوترین دەورانی خۆیی بەسەری دەبرد.



یەکی مەی له کۆمەڵگای پر له چەوسێنەری سەرمایەداری بانگەۆازی ئینسانی ترین و یەکگرتوترین دەنگی بەرابەریخۆازی و یەکسانی و عەداڵەت بوە، ئەم بانگەۆازە به قەیرانی کۆڕۆنا هەزاران جار پێویست ترە. جیهانی سەرمایەداری به لەبەرچاوگرتنی خەسڵەت و یاسای خۆیی هیچ قەیرانێک چارەسەر ناکا بەڵکو کورت ماوە و به خوڵقاندنی قەیرانێکی دیکە فەرامۆشیان دەکا. هێشتنەوەی جیاۆازی چینایەتی که بناغەی ئەم نیزامە چارەسەر نابێ هەر بۆیە قەیران کۆتایی نایە. شەڕ، قەیرانی ژینگە، کۆچی میلیونی له بن نەهاتو و کەڵەکەبونی سەرمایە له دەستانی تاقمێکی بچوک بچوکتر یاسای بەردەۆام بونی ئەم نیزامە بوە که کۆمەڵگای جیهانی بەرو هەڵدێر دەبا که کۆڕۆنا زەقترینەکەیەتی.


#رەزا_کەعبی

#دواڕۆژ

#ژمارەی_۸۸