1 دقیقه خواندن
26 Jan
26Jan

PEYAMA NAVENDA HEVKARIYÊ YA PARTIYÊN KURDISTANA ÎRANÊ BI BONEYA ERDHEJA BAKÛRA KURDISTANÊ    


Civatên xelkê Kurdistanê!

Kom û civatên mirovhez

Wekî haydar in şeva Înê, 4’ Rêbendana 1398’an, hevberî 24’ê Janviyeya 2020’an, erdhejek bihêz parêzgeha Xarpêt a Bakûra Kurdistanê hejand ku navenda vê erdhejê, bajarê Sîvrîce bû. Bi sedema vê bûyera malvêrankar ku roja şûndatir deverên din ên wê parêzgehê û herweha parêzgeha Melatiye jî vegirt, mixabin bi dehan hevnîştimaniyan jiyana xwe ji dest dan û bi sedan kes jî birîndar bûne, herweha bi sedan xanî û mal jî herifîne û xelkek zaf bê rê û cih mane ku çarenivîsa hejmarek xelkê hêj nexuya ye û rengê hindê dide ku li jêr kavilk û dar û perdikên xaniyên herifî de mabin. Li gor zaniyariyan, xelkê lêqewimî ên wan deveran ji ber bandora befr û sir û seqemê û herweha ziyanên erdhejê, li rewşek pir xerab de dijîn û hewcehiya bilez bi alîkariyên mirovî hene.

Navenda Hevkariyê ya hizbên Kurdistana Îranê bi vê boneyê ve, hevxemiyê bi kes û karên goriyên vê karesata xwezayî re dike û hêviya başbûn û saxlemiyê bo birîndaran dixwaze. Herweha daxwazê ji xelkê welatparêz ên Kurdistanê, mirovdostan û kom û civatên mafên mirovî û xêrxwaz dike ku bi her awayê mumkin, bi hawara xelkê lêqewimî ên deverên erdhejlêdayî ve biçin û alîkariyên mirovî ên bilez û hewce bigehînine wan, û rê nedin ku sir û seqema zivistanê jî bibe sedema kûrtirbûna vê birîna mezin.

Navenda Hevkariyê ya Partiyên Kurdistana Îranê

6’ê Rêbendana 1398’an

26’ê Januariya 2020’an


2020/01/26

SHARE THIS ENTRY