ئاگاداریی هەڵمەتی توییتری بە بۆنەی ڕۆژی جیهانیی زمانی دایکی

هاونیشتمانانی بەڕێز

لە بەرەبەری ٢١ فێورییە، بەرانبەر بە ٢ی ڕەشەممە (ڕۆژی جیهانیی زمانی دایکی)، کومیتەی فەرهەنگ و زمانی ناوەندی هاوکاریی حیزبەکانی کوردستانی ئێران هەڵمەتێکی توییتری بە مەبەستی گرینگیدان بە پرسی زمانی دایکی و زیاتر ناساندنی بە بیرورای گشتی و کۆمەڵگای نێودەوڵەتی وەکوو یەکێک لە گرینگترین پرسەکانی پێوەندیدار بە شوناس و مافەکانی نەتەوەی کوردەوە بەڕێوە دەبات. داواکارین لە کاتی دیاریکراو و بە بەکارهێنانی هاشتاگ و توییتە دیاریکراوەکان لەو هەڵمەتەدا بەشدار بن

کات: شەوی پێنجشەمە لەسەر هەینی، ١ لەسەر ٢ی ڕەشەمەی ١٣٩٨ی هەتاوی

بەرانبەر بە ٢٠ لەسەر ٢١ی فێورییەی ٢٠٢٠ی زایینی

• بە کاتی ڕۆژهەڵاتی کوردستان: کاتژمێر ١٠ی شەو

• بە کاتی باشووری کوردستان: کاتژمێر ٩:٣٠ی شەو

• بە کاتی ئورووپای ناوەندەی: کاتژمێر ٧:٣٠ی شەو

بۆ وەرگرتنی زانیاری سەبارەت بە هاشتاگ و توویتە ئامادەکراوەکانی هەڵمەتەکە سەردانی کاناڵ و پەیجی تایبەت بە هەڵمەتەکە بکەن

Telegram:@zmanushunasinatawai

Facebook:https://www.facebook.com/MotherTongueCam/