نیشتمان

ئازادی؟
كامەیە ئازادی؟
ئازادی ئەسپێكی شەكەتە و
ئەشەلێ و
!هەموو ڕۆژ بار ئەكرێ لە فیشەك
نیشتمان؟
كامەیە نیشتمان؟
ئەو عەرزەی ڕۆژێ دووسێ جار ئەیكوژن؟
ئەو دەشتەی كە بۆتە تاتەشۆر؟
ئەو باخەی كە بۆتە دارەمەیت؟
ئەو بەردو ئەو قوڕو ئەو چەوو لمەی
زیندا نی لێ زاوە؟
!نازانم كامەیە نیشتمان
!نازانم كامەیە ئازادی
ئەو ئاوەی بە ڕۆژی نیوەڕۆ سەرچاوەی ئەدزین؟
ئەو یارەی لە خەوا چاوانی ئەدزین؟
ئەو هەورەی پێش بارین بارانی ئەدزین؟
ئەو مانگەی لە شەوی چواردەیا ئەیدزین؟
ئازادی ئەسپێكی شەكەتە و ئەشەلێ و هەموو ڕۆژێ بار ئەكرێ لە !!! فیشەك
شێركۆ بێ كەس